रायपुर, 10 नवम्बर 2020। मुख्य सचिव आर.पी. मण्डल के अध्यक्षता म आज मंत्रालय महानदी भवन म खाद्य अउ सहकारिता विभाग के बैठक सम्पन्न होइस। बैठक म एक दिसम्बर ले प्रारंभ होवइया धान खरीदी के संबंध म सुचारू व्यवस्था बनाए जाय के संबंध म चर्चा करे गीन। आवश्यकता अनुसार धान खरीदी बर नवा केन्द्र बनाय बर एक सप्ताह के समय निर्धारित करत हुए सबो जरूरी कार्यवाही करे के निर्देश देहे हे। राज्य के सबो धान खरीदी केन्द्र मन म धान संग्रहण बर चबूतरा के निर्माण ये महीना के अंत तक करे के निर्देश देहे हे।
मुख्य सचिव आर.पी. मण्डल ह विशेष रूप ले धान के अवैध परिवहन अउ अवैध बिक्री-खरीदी म नियंत्रण बर जरूरी कदम उठाय के निर्देश देहे हे। ये महीना के अंत तक धान खरीदी बर जरूरी सबो व्यवस्था अनिवार्य रूप ले करे के निर्देश विभागीय अधिकारी मन ल देहे हे। बैठक म गोधन न्याय योजना के संबंध म घलो चर्चा करे गीन। जेमा गोठान के सुरक्षा, गोधन कार्यालय के व्यवस्था, नाडेफ टंकी निर्माण आदि के कार्य प्राथमिकता के आधार म पूरा करे के निर्देश देहे गे हे।
बैठक म अपर मुख्य सचिव वित्त विभाग अमिताभ जैन, सचिव खाद्य विभाग डॉ. कमलप्रीत सिंह, सचिव राजस्व विभाग सुश्री रीता शांडिल्य, सचिव सहकारिता विभाग आर. प्रसन्ना, सचिव जैव प्रौद्योगिकी विभाग डॉ. एम.गीता सहित अन्य वरिष्ठ अधिकारी उपस्थित रिहिन।
गुरतुर गोठ बर- भीषम वर्मा