राज्य म धान खरीदी के आंकड़ा 11.13 लाख मीटरिक टन के पार

रायपुर, राज्य म खरीफ विपणन साल 2021-22 बर एक दिसम्बर ले शुरू होए धान खरीदी के बीते 8 दिन म आज संझा साढ़े 6 बजे तक 3 लाख 33 हजार 620 किसान मन ले 11 लाख 12 हजार 824 मीटरिक टन धान के समर्थन मूल्य म खरीदी करे गए हे। किसान मन ले 2477 धान उपार्जन केन्द्र मन के माध्यम ले धान खरीदी करे जात हे। खरीदी के बाद बैंक लिकिंग व्यवस्था के तहत ए किसान मन ल 1772 करोड़ 92 लाख रूपिया के राशि मार्कफेड कोति ले अपैक्स बैंक ल भुगतान बर जारी करे गए हे।
धान खरीदी के आठवें दिन घलोक राजनांदगांव जिला प्रदेश म पहिली पायदान म हे। राजनांदगांव जिला म 1,18,927 मीटरिक टन धान के खरीदी हो गे हे। बेमेतरा जिला धान खरीदी के मामला म आज राज्य म दूसर क्रम म हे। बेमेतरा जिला म 87,566 मीटरिक टन धान के खरीदी करे गए हे। अब तक के धान खरीदी म बलौदाबाजार जिला राज्य म तीसर स्थान म हे। बलौदाबाजार जिला म 86,783 मीटिरिक टन धान के खरीदी होए हे। मुख्यमंत्री श्री भूपेश बघेल के पहल म धान खरीदी के धान उठाव अऊ कस्टम मिलिंग काम घलोक निरंतर होवत हे। सूरजपुर जिला के प्रभारी सचिव अऊ समाज कल्याण विभाग के सचिव श्री पी. दयानंद ह आज सूरजपुर के मानी, कंदराई अऊ जयनगर के धान खरीदी केंद्रों के निरीक्षण करिस। प्रभारी सचिव ह धान खरीदी बर जरूरी संसाधन मन, बारदाना मन संग कम्प्यूटर आपरेटर अऊ नमी मापक यंत्र आदि व्यवस्था मन के बारे म समिति प्रबंधक मन ले जानकारी लीन। प्रभारी सचिव ह खरीदी केन्द्र मन म समर्थन मूल्य म बेचे लाइन लगे धान के गुणवत्ता, समिति म बारदाना के उपलब्धता, जारी करे जात टोकन, पंजी संधारण अऊ धान खरीदी के मात्रा आदि के घलोक जायजा लीन। उमन खरीदी केन्द्र म वैक्सीनेशन बर समिति के अधिकारी मन ल बधाई दीन।
समर्थन मूल्य म धान बेचे ल लेके किसान मन म काफी उत्साह हे। उपार्जन केन्द्र मन म टोकन के आधार म किसान धान बेचे बर पहुंचत हें। मुख्यमंत्री श्री भूपेश बघेल के निर्देशानुसार खरीदी केन्द्र मन म किसान मन के सहूलियत अऊ धान खरीदी के व्यवस्था के जायजा लेहे बर वरिष्ठ प्रशासनिक अधिकारी सरलग केन्द्र मन के दौरा करत हें। ये दौरान अधिकारी मन कोति ले किसान मन ले धान खरीदी व्यवस्था के संबंध म चर्चा घलोक करे जात हे। किसान मन ह धान खरीदी व्यवस्था ल संतोषप्रद बताए हें अऊ जुन्ना बारदाना के दर 25 रूपिया करे ले प्रसन्नता व्यक्त करत राज्य सरकार के प्रति आभार व्यक्त करे हें।
खाद्य विभाग ले मिले जानकारी के मुताबिक चालू विपणन साल म राज्य के बस्तर जिला म 11,994 मीटरिक टन, बीजापुर जिला म 2167 मीटरिक टन, दंतेवाड़ा जिला म 377 मीटरिक टन, कांकेर जिला म 32 हजार 775 मीटरिक टन, कोण्डागांव जिला म 19 हजार 514 मीटरिक टन, नारायणपुर जिला म 1949 मीटरिक टन, सुकमा जिला म 1623 मीटरिक टन, बिलासपुर जिला म 55,844 मीटरिक टन, गौरेला-पेण्ड्रा-मरवाही 6781 मीटरिक टन, जांजगीर-चांपा जिला म 54,206 मीटरिक टन, कोरबा जिला म 9122 मीटरिक टन, मुंगेली जिला म 43,012 मीटरिक टन, रायगढ़ जिला म 52,367 मीटरिक टन, बालोद जिला म 80,304 मीटरिक टन, बेमेतरा जिला म 87,566 मीटरिक टन, दुर्ग जिला म 57,480 मीटरिक टन, कवर्धा म 60,816 मीट्रिक टन, राजनांदगांव जिला म 1,18,927 मीटरिक टन, बलौदाबाजार जिला म 86,783 मीटरिक टन, धमतरी जिला म 56,925 मीटरिक टन, गरियाबंद जिला म 42,874 मीटरिक टन, महासमुंद जिला म 79,018 मीटरिक टन, रायपुर जिला म 69,282 मीटरिक टन, बलरामपुर जिला म 15,311 मीटरिक टन, जशपुर जिला म 9153 मीटरिक टन, कोरिया जिला म 10,666 मीटरिक टन, सरगुजा जिला म 18,268 मीटरिक टन अऊ सूरजपुर जिला म 27,720 मीटरिक टन धान के खरीदी करना हे।