सरगुजा, प्रदेश म ए साल धान खरीदी तिहार पूरा सुचारू अऊ पारदर्शी तरीका ले संचालित होवत हे। मुख्यमंत्री विष्णु देव साय के निर्देश म सबो धान उपार्जन केंद्र मन म बेहतर व्यवस्था ठउका करे गए हे, जेखर से किसान मन म उत्साह अऊ भरोसा दुनों बाढ़े हे।
सरगुजा जिला के ग्राम पंचायत भिट्ठी कला के आदिमजाति सहकारी समिति केंद्र म धान लेके पहुँचे किसान मन ह खरीदी व्यवस्था ल पहिली ले कहूं जादा व्यवस्थित बताइन। किसान मन ह कहिन के ए पइत तउलई ले लेके नमी परीक्षण तक हर प्रक्रिया बिना कोनो परेशानी के पूरा होवत हे।
किसान बनकेश्वर राम ह बताइस के सरकार कोति ले निरधारित 3100 रूपिया प्रति क्विंटल धान मूल्य ले ओ मन ल सीधा आर्थिक लाभ मिलत हे। वो ह कहिस के केंद्र म जल्दी तउलई, पारदर्शी व्यवस्था अऊ कर्मचारी-सहयोग ह खरीदी अनुभव ल बेहद सहज बनाय हे।
किसान मन ह राज्य सरकार के आभार जतात कहिन के किसान हितैषी नीति ग्रामीण अर्थव्यवस्था ल नवा मजबूती देवत हे। जिला प्रशासन के तियारी पर्याप्त बारदाना, साफ-सुथरा तउलई, तेज भुगतान अऊ सरलग निगरानी ह किसान मन के भरोसा अऊ जादा पक्का कर देहे हे।
धान खरीदी म ए पइत रिकॉर्ड व्यवस्था! किसान मन ह कहिन अइसन व्यवस्था पहिली कभू नइ देखेन
