धान खरीदी महाभियान सरलग चलत हे भारी

रायपुर, मुख्यमंत्री श्री भूपेश बघेल के बताए रद्दा म आगू बढ़त छत्तीसगढ़ सरकार ह धान खरीदी के महाभियान सरलग चालू रखे हे। ये अभियान 31 जनवरी 2023 तक चलही। खाद्य विभाग के अधिकारी मन के बताती प्रदेश म समर्थन मूल्य म किसान मन ले अब तक 71.41 लाख मीट्रिक टन धान के खरीदी करे गए हे। धान खरीदी के बल्‍दा म राज्य के साढ़े सत्रा लाख ले जादा किसान मन ल 14,852 करोड़ रूपिया के भुगतान बैंक लिंकिंग व्यवस्था के तहत करे गए हे।
मुख्यमंत्री के पहल म पउर साल जइसे ये साल घलोक धान खरीदी के संगे-संग कस्टम मिलिंग बर सरलग धान के उठाव जारी हे। अब तक 56.12 लाख मीट्रिक टन धान के उठाव बर डीओ जारी करे गए हे, जेमा ले मिलर्स मन 45 लाख 77 हजार मीट्रिक टन धान के उठाव कर डरे हें।
आज 26 दिसम्बर के 42 हजार 367 किसान मन ले 1.57 लाख मीट्रिक टन धान के खरीदी करे गए हे। एखर अलावा ऑनलाइन टोकन के संग किसान मन ले करीबन 35 हजार टन ले जादा धान के घलोक खरीदी हो गए हे।