धान खरीदी के एवज म 5.54 लाख किसान मन ल 3328.92 करोड़ रूपिया के भुगतान
सबले जादा 1,96,234 मीटरिक टन धान खरीदके राजनांदगांव जिला पहिली स्थान म
कस्टम मिलिंग बर धान उठाव म घलोक तेजी: 3.32 लाख मीटरिक टन धान के उठाव
रायपुर, राज्य म खरीफ विपणन साल 2021-22 बर एक दिसम्बर ले शुरू होए धान खरीदी के बीते 13 दिन म आज संझा साढ़े 6 बजे तक 5 लाख 53 हजार 612 किसान मन ले 19 लाख 24 हजार 794 मीटरिक टन धान के समर्थन मूल्य म खरीदी करे गए हे। किसान मन ले 2479 धान उपार्जन केन्द्र के माध्यम ले धान खरीदी करे जात हे। खरीदी के बाद बैंक लिकिंग व्यवस्था के तहत ए किसान मन ल 3328 करोड़ 92 लाख रूपिया के राशि मार्कफेड कोति ले अपैक्स बैंक ल भुगतान बर जारी करे गए हे। मुख्यमंत्री श्री भूपेश बघेल के पहल म ये साल धान खरीदी के संगें-संग कस्टम मिलिंग बर धान के उठाव घलोक तेजी ले होवत हे। अब तक 5 लाख 78 हजार 921 मीटरिक टन के डीओ जारी कर दे गए हे अऊ उपार्जन केन्द्र ले मिलर मन कोति ले 3,32,247 मीटरिक धान के उठाव कर ले गए हे। प्रदेश म अब तक कुल 1985 मिलर्स ह पंजीयन कराए हे।
धान खरीदी के 13वां दिन घलोक राजनांदगांव जिला, प्रदेश म समर्थन मूल्य म धान खरीदी के मामला म पहिली पायदान म हे। राजनांदगांव जिला म 1,96,234 मीटरिक टन धान के खरीदी होए हे। बेमेतरा जिला धान खरीदी के मामला म आज राज्य म दूसर क्रम म हे। बेमेतरा जिला म 1,47,656 मीटरिक टन धान के खरीदी करे गए हे। अब तक के धान खरीदी म बलौदाबाजार जिला राज्य म तीसर स्थान म हे। बलौदाबाजार जिला म 1,44,217 मीटिरिक टन धान के खरीदी होए हे।
खाद्य विभाग ले मिले जानकारी के मुताबिक चालू विपणन साल म समर्थन मूल्य म राज्य के बस्तर जिला म 23,562 मीटरिक टन, बीजापुर जिला म 5,066 मीटरिक टन, दंतेवाड़ा जिला म 857 मीटरिक टन, कांकेर जिला म 60 हजार 870 मीटरिक टन, कोण्डागांव जिला म 32 हजार 890 मीटरिक टन, नारायणपुर जिला म 3,564 मीटरिक टन, सुकमा जिला म 3,617 मीटरिक टन, बिलासपुर जिला म 99,373 मीटरिक टन, गौरेला-पेण्ड्रा-मरवाही 12,131 मीटरिक टन, जांजगीर-चांपा जिला म 1,19,941 मीटरिक टन, कोरबा जिला म 19,232 मीटरिक टन, मुंगेली जिला म 80,065 मीटरिक टन, रायगढ़ जिला म 96,956 मीटरिक टन, बालोद जिला म 1,32,449 मीटरिक टन, बेमेतरा जिला म 1,47,656 मीटरिक टन, दुर्ग जिला म 93,643 मीटरिक टन, कवर्धा जिला म एक लाख 22 मीट्रिक टन, राजनांदगांव जिला म 1,96,234 मीटरिक टन, बलौदाबाजार जिला म 1,44,217 मीटरिक टन, धमतरी जिला म 91,032 मीटरिक टन, गरियाबंद जिला म 72,559 मीटरिक टन, महासमुंद जिला म 1,33,124 मीटरिक टन, रायपुर जिला म 1,11,256 मीटरिक टन, बलरामपुर जिला म 28,495 मीटरिक टन, जशपुर जिला म 16,833 मीटरिक टन, कोरिया जिला म 20,928 मीटरिक टन, सरगुजा जिला म 30,054 मीटरिक टन अऊ सूरजपुर जिला म 48,168 मीटरिक टन धान के खरीदी होए हे।
