किसान बिंदेश्वर नाग अउ योगेश्वर नाग धान के बोनस राशि के उपयोग जरूरी काम ल पूरा करे बर करहीं

नारायणपुर, 02 जनवरी 2024। छत्तीसगढ़ सरकार ह किसान मन ल दू साल के धान खरीदी के बोनस राशि दे देहे हे। राज्य के किसान ये राशि ल पाके अड़बड़ खुश हें अऊ मुख्यमंत्री श्री विष्णु देव साय ल धन्यवाद देवत हें। किसान ये बोनस राशि के उपयोग नवा घर बनवाए, ट्रेक्टर के किस्त जमा करे, दैनिक उपयोग के सामान खरीदने मन म करत हें। नारायणपुर जिला के कोचवाही के रहवईया किसान बिंदेश्वर नाग  ह दू साल म 43 क्विंटल 20 किलो धान बेचे रहिस तेकर बोनस राशि 12 हजार 960 रुपिया वोला मिले हे। वो ह खुशी जाहिर करत कहिस कि अब ट्रेक्टर के किस्त जमा करे म आसानी होही। उहें बाकुलवाही के रहवईया किसान योगेश्वर नाग ल 4 हजार 320 रुपए बोनस राशि मिले म वो ह एला घर के उपयोग बर खर्च करे के बात कहीस अऊ राज्य सरकार ल धन्यवाद दीस। कोचवाही निवासी 5 एकड़ कृषि जमीन के मालिक बिंदेश्वर नाग ह दू साल के धान विक्रय के बोनस राशि मिले के खुशी प्रकट करत  बताइस कि धान समर्थन मूल्य म बेचे हंंव, जेकर राशि ले खेत मरम्मत कराहूं।
अइसनहे जिला के ग्राम केरलापाल के किसान सूबाय ल 23 हजार 160 रूपिया, दयावती ल 14 हजार 760 रूपिया, कुकड़ाझोर के किसान गेंदराम ल 42 हजार 420 रूपिया, कुम्हारपारा वार्ड के किसान श्यामचंद ल 65 हजार 940 रूपिया, खड़़ीबहार के किसान धर्मराम ल 3 हजार 480 रूपिया, तेलसी के किसान हरून ल 69 हजार 240 रूपिया, देवांगनपारा के किसान विश्वनाथ ल 52 हजार 920 रूपिया, बाकुलवाकी के किसान समदूराम ल 22 हजार 560 रूपिया, बागडोंगरी के किसान अर्जुन ल 9 हजार 480 रूपिया, बिंजली के किसान बालसिंग ल 21 हजार 600 रूपिया, शंभूराम ल 72 हजार 180 रूपिया, बेलगांव के किसान नीलकंठ ल 28 हजार 320 रूपिया, बोरण्ड के किसान शत्रुघन ल 11 हजार 520 रूपिया, सिंगोड़ीतराई के किसान पुनाराम ल 73 हजार 560 रूपिया अऊ ग्राम सुलेंगा के किसान गहरूराम ल 4 हजार 320 रूपिया के बोनस मिले हे । जिला के किसान मन ह कहिन कि सरकार ह दू साल के लंबित बोनस राशि देके किसान मन उपर उपकार करे हे, जेखर से किसान मन के परिवार म खुशहाली के माहौल हे।