मुंगेली जिला म पढ़ई तुंहर दुवार: जिला शिक्षा अधिकारी ह बांटिस मास्क अऊ कॉपी

मुंगेली, 01 सितम्‍बर 2020। जिला कलेक्टर श्री पी. एस. एल्मा के निर्देशन म चलत राज्य सरकार के महत्वाकांक्षी योजना पढ़ई तुंहर दुवार के अंतर्गत जिला शिक्षा अधिकारी श्री जी.पी. भारद्वाज, जिला मिशन समन्वयक श्री व्ही. पी. सिंह अऊ जिला नोडल अधिकारी श्री पी.सी. दिव्य ह ग्राम गीधा म व्याख्याता श्री राजेन्द्र सिंह क्षत्रिय कोति ले चलाये जात प्रोजेक्टर कक्षा के निरक्षण करिस। ये बेरा म उमन विद्यालय के करीबन 50 पढ़ईया लईका मन ल कॉपी अऊ मास्क बाटिन। प्रोजेक्टर ले स्मार्ट क्लास के संचालन करत शिक्षक श्री राजेन्द्र सिंह क्षत्रिय ह बताइस के ये कक्षा ल मोहल्ला के चौड़ा गली म लगाए जात हे। जेमां कक्षा 1 ले 8 वीं तक के 50 छात्र अऊ छात्रा मन ल फायदा होवत हे। प्रोजेक्टर ले सीजी स्कूल डॉट ए म कई ठन कक्षा मन बर अपलोड़ पढ़ई के कक्षा के मुताबिक प्रोजेक्टर म लइका मन ल देखाए जात हे। कोरोना काल म शिक्षक के ये सहराए लइक उदीम ल जिला शिक्षा अधिकारी, जिला मिशन समन्वयक, नोडल अधिकारी ह सहराइन।