धमतरी, 27 नवंबर 2020। प्रदेश के धमतरी जिला के गंगरेल जलाशय के डूबान क्षेत्र के अकलाडोंगरी संकुल केन्द्र म ग्राम कोड़ेगांव (आर) कहे म तो बहुत छोटकुन गांव हे, फेर पढ़ई ल लेके इहां के पालक अड़बड़ जागरूक अऊ सजग हें। डूबान क्षेत्र के शिक्षक मन के संगे-संग पालक मन घलोक अपन जागरूकता के परिचय देवत लइका मन म शिक्षा के अलख जगावत हें। गांव के सरपंच श्रीमती ललिता विश्वकर्मा घलोक लइका मन ल शिक्षित करे म अहम भूमिका निभावत हें। इहां कुछ अइसन पालक घलोक हें, जेन अपन हर्जाना करके घलोक लइका मन ल पढ़ाए बर समय निकालत हें।
अइसन गांव, जिहां सरपंच ले लेके पालक तक जुटे हें लइका मन ल शिक्षित करे म
