रइपुर 27 मार्च 2021 शनिच्चर । मुख्यमंत्री दाउ भूपेश बघेल के निर्देशन म कोरोना काल म शिक्षा के अलख जगाए रखे बर चलाए जावत ‘‘पढ़ई तुंहर दुआर‘‘ कार्यक्रम ह सफलता के नवा कहिनी लिखे हावय । कोविड 19 के गंभीर संकट के सामना करत राज्य सरकार बर सबो क्षेत्र मन म विकास ल चलायमान बनाए रखना एक ठो चुनौती रिहिसे। लॉकडाउन के सेति बुरी तरह ले प्रभावित अर्थव्यवस्था ल संकट ले उबारे के संगे —संग लोगल मन के बुनियादी जरुरत मन ल पूरा करे बर सरकार सम्मुख गंभीरता ले काम करत हावे। खास करके लइका मन ल महामारी ले बचावत शिक्षा उपलब्ध कराए के उदीमेच मन ले ‘‘पढ़ई तुंहर दुआर‘‘ के रूपरेखा तियार करके एकर शुभारंभ 7 अप्रैल 2020 के करे गइस ।
‘‘पढ़ई तुंहर दुआर‘‘ कार्यक्रम के सबले बड़े सफलता ये हे कि आज चमाचम स्कूल बंद होए के बावजूद लइका मन अपन शिक्षा बिना कोनो बाधा के पावत हे । एमा वेब पोर्टल के माध्यम ले लइका मन ल बिना कोनो शुल्क के शिक्षा प्रदान करे जावत हावय ।
ये कार्यक्रम ल आगू बढ़ावत राज्य के दूरिहा अंचल मन म जिहां इंटरनेट के सुविधा नइ हे उहां ‘‘पढ़ई तुंहर पारा‘‘ कार्यक्रम का संचालन करे जावत हे । पारा ,मुहल्ला मन म शिक्षा खातिर गांव के समुदाय के तको सहायता लेहे जावत हे । ‘‘पढ़ई तुंहर पारा‘‘ के तहत् इंटरनेट के अभाव वाले अंचल मन म ब्ल्यू-टूथ आधारित व्यवस्था ‘‘बूल्टू के बोल‘‘ प्रारंभ करे गे हावयं । जिन्कर तीर इंटरनेट सुविधा नइ हे अउ एंड्रायड मोबाइल नइ होके की-पेड मोबाइल हे उनमन ल कइयों ठिन विषय मन उपर ऑडियो क्लीप तियार करके उन ल ट्रांसफर कर देहे जावत हे। ‘‘पढ़ई तुंहर पारा‘‘ कार्यक्रम के तहत सुदूर क्षेत्र मन म शिक्षा प्रदान करे बर पो्ंगा ।। लाउडस्पीकर ।। अउ स्मार्ट टेलीविजन के उपयोग करे जावत हे ।
