अनुसूचित जाति वर्ग ले संबंधित संचालित योजना मन के विभागीय अधिकारी मन के समीक्षा बैठक आयोजित
रायगढ़, उपाध्यक्ष (राज्यमंत्री दर्जा) अउ सचिव छत्तीसगढ़ राज्य अनुसूचित जाति आयोग पदमा मनहर के अध्यक्षता म कलेक्टोरेट सभाकक्ष म अनुसूचित जाति वर्ग ले संबंधित कई ठन विभाग मन म संचालित योजना मन के जिला स्तरीय समीक्षा बैठक आयोजित करे गीस। बैठक म उमन राज्य शासन के योजना मन ले लाभान्वित हितग्राही मन के विस्तृत जानकारी लेत विभागीय योजना मन के प्राथमिकता ले लाभ प्रदान करे के निर्देश दीन।
समीक्षा बैठक म श्रीमती मनहर ह अनुसूचित जाति वर्ग के लाभार्थि मन ल शासन के कई ठन योजना मन के संगें-संग आन प्राथमिकता वाले योजना मन के लाभ देवाए के निर्देश दीन। उमन जिला स्तरीय अधिकारी मन ल योजना मन के बेहतर क्रियावन्यन करे ल कहिन। उमन आदिम जाति विभाग अंतर्गत संचालित योजना मन के जानकारी लेत छात्रावास मन म अनुसूचित जाति वर्ग के छात्र-छात्रा मन ल प्राथमिकता ले लाभ प्रदान करे के बात कहिन। छात्रावास मन म पढ़ईया लईका मन बर बेड, चादर जइसे जरूरी सुविधा सुनिश्चित करे बर कहिन। ये बेरा म संयुक्त कलेक्टर सुश्री अभिलाषा पैकरा, सहायक आयुक्त आदिम जाति श्री अविनाश श्रीवास संग कई विभाग के जिला अधिकारी उपस्थित रहिन।
