KBC के स्पेशल एपिसोड म नजर आही पद्मश्री फूलबासन बाई, शूटिंग बर मुंबई ले आज गांव पहुँचही टीम

राजनांदगांव, 25 सितंबर 2020। कम उम्र म गरीबी अउ फेर समाज ले लड़ के लाखों महिला मन ल अपन पैर म खड़ा करइया छत्तीसगढ़ के बेटी पद्मश्री ले सम्मानित फूलबासन बाई के जज्बा ल देश-विदेश के लोगन मन देखही। अवइया हप्ता ले शुरू होय बर जावत टीवी शो कौन बनेगा करोड़पति के मंच म राजनंदगांव के फूलबासन यादव नजर आही। ये स्पेशल एपिसोड म अमिताभ बच्चन फूलबासन के गरीबी के संघर्ष ले लेके पद्मश्री तक के सफर ल बताही। फूलबासन के जिंदगी ले जुड़े कुछ खास पहलु मन ल कैमरा म कैद करे बर शुक्रवार के मुंबई ले केबीसी के टीम उंखर गांव सुकुलदेहान पहुंचत हे। हालांकि फूलबासन बाई के स्पेशल एपिसोड कब दिखाय जाही एखर तारीख तय नई होय हे।