मुख्यमंत्री श्री भूपेश बघेल करा पद्मश्री ले सम्मानित डॉ. किरण सेठ ह करिस सौजन्य मुलाकात

सायकिल ले भारत यात्रा म निकले डॉ. सेठ रायपुर पहुंचिस
रायपुर, 22 अगस्त 2023
मुख्यमंत्री श्री भूपेश बघेल करा आज ईहां उकर निवास कार्यालय में ‘‘सायकल विथ स्पिक मैके‘‘ के तहत रायपुर पहुंचे पद्मश्री ले सम्मानित डॉ. किरण सेठ ह सौजन्य मुलाकात करिस। बस्तर बैंड ल पूरा दुनिया में पहिचान देवाए वाले पद्मश्री श्री अनुरंजन पांडे घलो ए बेरा मौजूद रहिस हे। डॉ. सेठ ‘‘स्पिक मैके‘‘ के संस्थापक हे। डॉ. सेठ ह गरीब लईका मन ल अंग्रेजी माध्यम ले शिक्षा देवाए ब स्वामी आत्मानंद उत्कृष्ट विद्यालय के स्थापना करे अउ कला, संस्कृति के क्षेत्र में उत्कृष्ट कार्य करे अउ कलाकार मन ल प्रोत्साहित करे ब मुख्यमंत्री श्री बघेल के सराहना करिस।
डॉ. सेठ ह 15 अगस्त 2022 ले महात्मा गांधी के संदेश ल बगराए, पर्यावरण संरक्षण अउ स्वास्थ्य के प्रति जागरूकता ले संदेश लेके ‘‘सायकल विथ स्पिक मैके‘‘ के तहत 15 अगस्त 2022 के कश्मीर के लेह-लद्दाख ले सायकल यात्रा के शुरूआत करिस। भारत भ्रमण म निकले ए यात्रा अभी रायपुर पहुचे हे। स्पिक मैके नामक ए संस्था शास्त्रीय नृत्य, संगीत अऊ कला के क्षेत्र में काम करे के संग एक सार्थक जीवन जीए ब लोगन मन ल जागरूक करथे। ए अवसर म ‘‘स्पिक मैके‘‘ के राष्ट्रीय उपाध्यक्ष श्रीमती सुमन डूंगा अउ छत्तीसगढ़ प्रमुख श्री अजय श्रीवास्तव मौजूद रहिस हे।