रायपुर, मुख्यमंत्री श्री भूपेश बघेल ह समाजसेवी पद्मश्री सम्मानित श्री दामोदर गणेश बापट के निधन म गहरा दुःख प्रकट करे हें। श्री बापट के बीते रात बिलासपुर के एक अस्पताल म निधन हो गीस। मुख्यमंत्री ह अपन शोक सन्देश म कहिन कि स्वर्गीय श्री बापट ह अपन पूरा जीवन कुष्ठ रोगी मन के सेवा म समर्पित कर दीन। चांपा शहर के नजदीक ग्राम सोठी म भारतीय कुष्ठ निवारक संघ कोति ले संचालित आश्रम म कुष्ठ पीड़ित मन के इलाज के संग ऊंखर पुनर्वास के बहुत अकन काम मन के उमन शुरुआत करिन। कुष्ठ रोग के प्रति मनखे मन ल जागरूक करे बर घलोक उमन महत्वपूर्ण योगदान दीन।
मानवता के सेवा के प्रति स्वर्गीय श्री बापट के समर्पण अनुकरणीय अऊ देहदान के संकल्प प्रेरणादायक हे। उंखर निधन छत्तीसगढ़ बर अपूरणीय क्षति हे। मुख्यमंत्री ह ओ मन ल विनम्र श्रद्धांजलि अर्पित करे हें।