रायपुर, 25 जुलाई 2020। सावन मास के शुक्ल पक्ष म आज नाग पंचमी मनाये जावत हे. भक्त घर म ही रहिके नाग देवता के पूजा कर दुग्धाभिषेक करत हे. लॉकडाउन के सेती शहर के शिवालय सूना पड़े हे. ये बार इहां 200 साल के परंपरा टूटगे हे. बता देथन कि जिला प्रशासन ह रायपुर शहर म 22 ले 28 जुलाई तक लॉकडाउन करे हे. एखर सेती मंदिर मन म भक्त मन के प्रवेश निषेध कर दे गे हे. शिव मंदिर ट्रस्ट कमेटी के सचिव महेंद्र अग्रवाल ह बताइस कि 200 साल के परंपरा टूटे हे. वर्तमान म 22 ले 28 जुलाई तक लॉकडाउन करे गे हे, एखर सेती हमन मंदिर म दर्शनार्थी मन के प्रवेश घलो निषेध कर दे हन. दुर्भाग्य हे कि नाग पंचमी के दिन भगवान शिव के पूजा करे बर कोनो भी दर्शनार्थी नइ आइस. केवल मंदिर अउ मंदिर के स्टाफ इहां मौजूद हे अभी वर्तमान म जोन चुनौती हे देश ल कोरोना वायरस ले बचाना हे ओखर बर मंदिर समिति घलो प्रयास करत हे.
नाग पंचमी म सूना पड़िस शिवालय, 200 साल के परंपरा टूटिस
