जशपुर, जिला के दूरिहा गांव अऊ दुर्गम क्षेत्र म निवास करत विशेष पिछड़ी जनजाति पहाड़ी कोरवा समुदाय के महिला श्रीमती फूलोबाई ल प्रधानमंत्री जनमन आवास योजना के तहत पक्का मकान मिले हे। ये मकान वोखर कइ बछर के अगोरा के फल ये अऊ आत्मनिर्भर जीवन के नवा शुरुआत ये।
फूलोबाई जशपुर जिला के बगीचा विकासखंड अंतर्गत ग्राम पंचायत पंड्रापाठ के निवासी ये। बड़ समय तक वो ह कच्चा घर म दुख म जीवन बिताए हे — बरसात म चूहत छांधी, हीरू-बिछू मन के डर अऊ असुरक्षित माहौल ओखर रोजमर्रा के हिस्सा रहिस। फेर अब, जब ओखर पक्का घर बनके तैयार हो गए हे, त वो भावुक होके कहत हे के “बरसात म जब छांधी चूहय त सरी रात जागत कटत रहिस। अब मैं पहली पइत चैन से सो पात हंव। ये सिरिफ घर नो हे, मोर सपना के महल ये।
प्रधानमंत्री जनमन आवास योजना के माध्यम ले पहाड़ी कोरवा जइसे विशेष पिछड़ी जनजाति मन ल सम्मानजनक अऊ सुरक्षित जीवन कोति आगू बढ़ाए जात हे। फूलोबाई ह ए उपलब्धि म प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के प्रति आभार प्रकट करत कहिन, “ये घर मोर बर सिरिफ छत नो हे, बल्कि सुरक्षा, सम्मान अऊ आत्मनिर्भरता के चिनहारी ये।
सपना के घर : पहाड़ी कोरवा महिला फूलोबाई ल मिलीस पक्का घर
