कृषि विभाग ह किसान मन ल निःशुल्क मक्का अऊ गोठान म स्व-सहायता समूह कोति ले बनाय गए खाद घलोक उपलब्ध कराए हे
20 किसान मन के खेत मन म जिला प्रशासन ह पानी के सुविधा उपलब्ध कराए हे
किसान मन ह छत्तीसगढ़ शासन अऊ जिला प्रशासन ल देहे हें धन्यवाद
पहाड़ी कोरवा किसान अब गोबर के वरमी कम्पोस्ट खाद के उपयोग करे लगे हें
जशपुरनगर, 26 मई 2021। जशपुर जिला के बगीचा विकास खंड के गांव भितघरा के विशेष पिछड़े जनजाति पहाड़ी कोरवा किसान मन अपन खेती बाड़ी म अब साग सब्जी उत्पादन करके बनेच आमदनी पावत हें। कलेक्टर श्री महादेव कावरे के मार्गदर्शन म भितघरा के किसान श्री चतुर अऊ श्री लमेना राम संग 20 किसान के इहां जिला प्रशासन कोति ले शासन के परियोजना मद ले नलकूप खनन करवाए गए हे। संगेच कृषि विभाग कोति ले 20 किसान मन ल निःशुल्क 4 किग्रा मक्का बीज अऊ आत्मा योजना ले 4 किवंटल वरमी खाद प्रति किसान के मान ले दहे गए हे। किसान मन नलकूप ले पानी के उपयोग करके अपन अपन खेत मन म बनेच फसल लेवत हें। किसान चतुर अऊ श्री लमेना राम ह अपन जमीन म लगाए गए नलकूप ले 0.200 हेक्टेयर म मक्का अऊ 0.100 हेक्टेयर म टमाटर के खेती करत हें। उमन बताईन के उंखर जमीन म कुछु फसल बने सहिन नइ हो पात रहिस। किसान मन ह खुशी जाहिर करत होइन अऊ छत्तीसगढ़ शासन अऊ जिला प्रशासन ल धन्यवाद देवत कहिन के खेती बाड़ी करे बर अपन जमीन म वरमी कम्पोस्ट खाद के उपयोग करके मक्का अऊ साग सब्जी के फसल तियार करे गए हे। मक्का के अनुमानित उत्पादन करीबन 10 किवंटल होए के संभावना हे। उमन कहिन कि मक्का खेती ले 15 हजार तक लाभ कमाए जा सकत हे। किसान लमेना राम ह कलेक्टर श्री महादेव कावरे अऊ कृषि विभाग ल धन्यवाद देवत कहिस के भितघरा के विशेष जनजाति पहाड़ी कोरवा किसान शासन के योजना के लाभ उठा के खुश हें। अऊ किसान भाई बन्धु अपन अपन खेत मन म साग सब्जी उत्पादन ले बनेच आमदनी अर्जित करत हें। अऊ अपन परिवार के पालन-पोषण घलोक बने सहिन करत हें।
