रायपुर, रोटी, कपड़ा अऊ मकान जीवन के तीन जिनिस सब बर जरूरी होथे। जेकर बर हर मनखे सरलग उदीम करत रहिथे। विशेष रूप ले ग्रामीण क्षेत्र मन म जिहां आजीविका के सीमित संसाधन होथे, उहां मनखे अपन कुटुंब के बुनियादी जरूरत ल पूरा करे बर बिकट मेहनत करथे, अइसन म कहूं इंकर जरूरत मन ल पूरा करे बर शासकीय सहायता मिल जाय त जीवन के बड़का ले बड़का परेशानी ले छुटकारा पाए जा सकथे।
जगतपाल राम बर भारत सरकार कोति ले संचालित पीएम आवास योजना वरदान साबित होय हे। जेखर तहत पहाड़ के नीचे बस्ती छतौरी म पीएम जनमन आवास योजना के तहत ओखर पक्का मकान के संग शौचालय बनके तैयार हे। जगतपाल अपन पक्का मकान के मालिक बन गए हे अऊ अब ओ खुशहाल जीवन व्यतीत करत हे। वो ह प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय ल अइसन जनकल्याणकारी योजना बर आभार व्यक्त करत धन्यवाद दे हे हे।
मुख्यमंत्री श्री विष्णु देव साय ह राज्य म निवासरत दूरस्थ अंचल के मनखे मन तक बुनियादी सुविधा के संग जनकल्याणकारी योजना मन ले पात्र हितग्राही मन ल लाभान्वित करे के निर्देश देहे हे। ए योजना मन म ले प्रधानमंत्री आवास योजना ग्रामीण बेसहरा अऊ जरूरतमंद परिवार के पक्का घर के सपना ल साकार करे म महत्वपूर्ण भूमिका निभाए हे।
पहाड़ी कोरवा जगतपाल बनिस पक्का मकान के मालिक
