सैंटरिंग प्लेट अउ मिक्चर मशीन के व्यवसाय ले कमावत हें पइसा
अम्बिकापुर, छत्तीसगढ़ सरकार के महिला सशक्तिकरण अउ ग्रामीण आजीविका संवर्धन के योजना आज सरगुजा जिला के विशेष रूप ले पिछड़ी जनजाति के महिला मन ल आत्मनिर्भरता के नवा दिशा देवत हे। अम्बिकापुर विकासखंड के मलंगवा खुर्द ग्राम पंचायत के रामनगर के महिला मन पहिली सामाजिक अउ आर्थिक रूप ले कमजोर रहिन।
बिहान योजना ले जुड़े के बाद उंखर सोच अउ जीवनशैली म बदलाव आईस। लक्ष्मी स्वयं सहायता समूह के अध्यक्ष श्रीमती संगीता पहाड़ी कोरवा बताथे के ओ ह बकरी अउ मुर्गी (छेरी अउ कुकरी) पालन ले शुरू करिन अउ धीरे-धीरे आय के स्रोत बढ़ाइन।
सैंटरिंग प्लेट ले आमदनी अऊ आत्मविश्वास दुनों म बढोतरी
समूह के सचिव श्रीमती सुशीला पहाड़ी कोरवा ह जानकारी दीस के सितंबर 2024 म समूह ह 90 हजार रूपिया के लोन लेके सैंटरिंग प्लेट के कारोबार शुरू करिस। सुशीला ह बताइस के गांव म पीएम आवास निर्माण बर सैंटरिंग प्लेट अब शहर ले किराया म नइ लाना परत हे। गांव म होत निर्माण म ये महिला मन सैंटरिंग प्लेट अउ मिक्चर मशीन किराया म देथे अऊ राजमिस्त्री के काम घलो खुदे करथे।
आत्मनिर्भरता बनाए म स्व-सहायता समूह के बड़ भूमिका
सरगुजा जिला पंचायत सीईओ ह बताइस के जिला म प्रधानमंत्री आवास योजना ग्रामीण के तहत अब तक 31,772 सामान्य आवास अऊ 2,565 जनमन आवास स्वीकृत करे गए हे। लक्ष्य बड़का रहिस, एखर बर निर्माण प्रक्रिया म तेजी लाए बर 413 स्वयं सहायता समूह के 782 महिला मन ल सैंटरिंग प्लेट किराया अउ मिक्सर मशीन संचालन के व्यवसाय ले जोड़े गए हे। उमन बताइन के 387 ग्राम पंचायत म महिला सैंटरिंग प्लेट अउ मिक्सर मशीन किराए देके आय अर्जित करत हे, जेखर से न केवल आवास निर्माण म तेजी आए हे, बल्कि ग्रामीण महिला मन के आय म घलो बढोतरी होए हे।
महतारी वंदन योजना बनीस सहारा
महिला मन ह बताइन के महतारी वंदन योजना के तहत हर महिना खाता म मिले राशि ले घर के जरूरत पूरा होवत हे अऊ प्रधानमंत्री आवास योजना के तहत पक्का मकान मिले ले अब स्थायी आवास घलोक सुनिश्चित हो गे हे।
महिला सशक्तिकरण के उदाहरण
पहिली छोटे-छोटे जरूरत बर संघर्ष करइया पहाड़ी कोरवा महिला मन आज आर्थिक रूप ले आत्मनिर्भर, सशक्त अऊ अन्य क्षेत्र के महिला मन बर प्रेरणास्रोत बन गे हें। उमन दूसर ग्रामीण महिला मन ल घलो समूह ले जोड़के आत्मनिर्भर बने बर प्रेरित करत हें। स्वयं सहायता समूह के महिला मन ह मुख्यमंत्री श्री विष्णु देव साय अऊ प्रधानमंत्री श्री नरेन्द्र मोदी के प्रति आभार प्रकट करे हें।
