रायपुर, मुख्यमंत्री श्री भूपेश बघेल ह गौठान मन म पशु मन बर चारा बर किसान मन ले करे गए पैरा दान के अपील के सकारात्मक असर दिखत हे। किसान मन ह अब तक 15 लाख 67 हजार 507 कुंटल पैरा दान गौठन मन म करे हें। जेखर कीमत 200 रूपिया प्रति कुंटल के दर ले करीबन 31 करोड़ 35 लाख रुपिया हे।
अधिकारी मन ले मिले जानकारी के मुताबिक 15 फरवरी के स्थिति म अब तक सबले जादा पैरा दान बिलासपुर संभाग के किसान मन करे हें। बिलासपुर संभाग म किसान मन ह 6 लाख 10 हजार 765 कुंटल, दुर्ग संभाग म 3 लाख 80 हजार 361 कुंटल, रायपुर संभाग म 3 लाख 69 हजार 600 कुंटल, बस्तर संभाग म 1 लाख 31 हजार 994 कुंटल अऊ सरगुजा संभाग म किसान मन ह 74 हजार 787 कुंटल पैरा दान करे हें।
मुख्यमंत्री के किसान मन ले पैरा दान के अपील के सकारात्मक असर
