बदलत दंतेवाड़ाः बैलाडीला ले नारायणपुर बस सेवा शुरू होए ले मनखे मन के जीवन म आए लगिस बदलाव

दंतेवाड़ा, जिला म रहवईया मन ल अऊ बेहतर आवागमन सुविधा प्रदान करे के निरंतर प्रयास किरे जात हे। इही कड़ी म बैलाडिला ले नारायणपुर तक सीधा बस सेवा बीते दिन चालू करे गए हे। ये बस सेवा के चालू हो जाय ले अब मनखे मन के जीवन म बदलाव नजर आए लगे हे। मनखे मन अब अपन व्यवसाय ल बढ़ाय बर नारायणपुर ले दंतेवाड़ा या दंतेवाड़ा ले नारायणपुर तक आए-जाए लगे हें। ये सड़क के बने के पहिली दूरी जादा होए के सेती मनखे मन ल अपन व्यवसाय म वृद्धि, रोजगार, पर्यटन, मंदिर दर्शन, मेला, पर्व, पारिवारिक कारण, वैवाहिक संबंध, के अलावा ये रद्दा म काम करइया शिक्षक, स्वास्थ्य कर्मि अउ आन सरकारी कर्मचारी मन ल अपन दायित्व निर्वहन बर घलोक जाय म काफी परेशानी के सामना करना परत रहिस। फेर अब ए सब कठिनाइ के सामना नइ करना परत हे काबर के अब बन गए हे बारसूर ले पल्ली तक नवा सड़क।