छत्तीसगढ़ म पान के खेती के संभावना उपर दू दिन के कृषक प्रशिक्षण संपन्न

राज्य म साढ़े तीन सौ ले जादा किसान करत हे पान के खेती

रायपुर, 21 फरवरी, 2020। इंदिरा गांधी कृषि विश्वविद्यालय के पादप कार्यिकी विभाग छत्तीसगढ़ म पान के खेती के संभावना कोति ले ‘‘छत्तीसगढ़ म पान के खेती के संभावनाएं’’ विसय म दू दिन के कृषक प्रशिक्षण अउ प्रदर्शन कार्यक्रम के आयोजन करे गीस जेमां छत्तीसगढ़, बिहार अउर झारखंड राज्य के 75 किसान सामिल होइन। प्रशिक्षण कार्यक्रम के शुभारंभ इंदिरा गांधी कृषि विश्वविद्यालय के निदेशक विस्तार डॉ. एस.से. मुखर्जी कोति ले करे गीस। उमन झारखंड, बिहार अउर छत्तीसगढ़ ले आये पान उत्पादक किसान मन ले चर्चा करिन अउर छत्तीसगढ़ म पान के उत्पादन के बढ़त संभावना मन उपर विचार-विमर्श करिन। ये प्रशिक्षण कार्यक्रम इंदिरा गांधी कृषि विश्वविद्यालय, रायपुर म राष्ट्रीय बागवानी मिशन के अंतर्गत संचालित पान परियोजना के तहत आयोजित करे गीस।