पांच ठिन दुकान मन म छापा मारके करे गईन आठ हजार रूपिया के चालानी कार्रवाही

धमतरी 21 अप्रैल 2021 बिरस्पत । कोविड 19 के संक्रमण के रोकथाम अउ ओकर उपर निगाह राखे बर कलेक्टर श्री जय प्रकाश मौर्य कोति ले सापर (संयुक्त) दल गठित करे गे हवय । जेकर चलत राजस्व, पुलिस अउ नगरपालिक निगम धमतरी के टीम डाहर ले कइयो ठिन दुकान म उपरहा भाव म वस्तु मन की बिक्री, आवश्यक वस्तु मन के अवैध भण्डारण करे के संगे -संग लाॅकडाउन के नियम मन के पालन नइ करइया मन के जांच करके कार्रवाई करे जावत हे। इही कड़ी म 21 अप्रैल के दल कोति ले धमतरी शहर के पांच ठिन प्रतिष्ठान मन म दबिश देके आठ हजार रूपिया के चालानी कार्रवाई करे गईस। एमा सिहावा रोड स्थित धमतरी चिकन सेंटर, सूरज मेडिकल स्टोर घड़ी चैक, शांति कालोनी स्थित न्यू ओम किराना स्टोर, आकृति प्रोविजन अउ कामद डेयरी शामिल हे।