रइपुर 22 अगस्त 2021 इतवार। महेशपुर गांव के एक बछर पहिली आश्रित गांव रेहे ले गांव के विकास के प्रारूप कहूं अउ तियार होवत रिहिसे। महिला जनप्रतिनिधि मन ग्राम सभा मन म भाग लेहे बर दिक्कत जाय। ग्राम पंचायत भवन गांव ले दूरिहा होए के सेति वोमन सभा म सरलग भाग तको नई ले पावत रिहिसे। अब ये गांव के नवा ग्राम पंचायत बने ले इहां विकास के संभावना बाढ़ गे हे। ग्राम पंचायत के बने अउ ग्राम पंचायत भवन मिले ले चुने जनप्रतिनिधि मन भवन म गांव के विकास बर ग्राम सभा म बढ़-चढ़के भाग लेथे। अब गांव के विकास का नवा भविष्य तियार होय लगे हे।
मुख्यमंत्री दाउ भूपेश बघेल के नेतृत्व म प्रदेश म गांव के विकास अउ त्रि-स्तरीय पंचायती राज व्यवस्था के पोठियाए बर सरलग लगातार बूता करे जावत हे। इही कड़ी म सरगुजा जिला के उदयपुर विकासखंड के अंतर्गत अवइया गांव मानपुर के आश्रित ग्राम महेशपुर ल जब नवा ग्राम पंचायत बनाके पंचायत भवन के स्वीकृति तको दे देहे गे हे।मनरेगा (महात्मा गांधी राष्ट्रीय ग्रामीण रोजगार गारंटी अधिनियम) ले 14 लाख 42 हजार रूपिया के लागत ले इहां पंचायत भवन समे म बनगे हे। नवगठित ग्राम पंचायत महेशपुर ल पहिली बछर सर्वसुविधायुक्त नवा पंचायत भवन मिलते साथ 01 फरवरी-2021 ले गांव के निर्वाचित जनप्रतिनिधि नवनिर्मित पंचायत भवन ले अपन बूता निपटावत हावय।
नवा भवन म अब तक तीन ग्रामसभा होगे हे। महेशपुर रहइया श्रीमती साधना दास कहिथे कि महेशपुर आश्रित गांव रिहिसे, ते ग्रामसभा बर दू किलोमीटर मानपुर जाए ल परय। माइलोगन म ग्राममसभा म संघर नई पावत रिहिन। महेशपुर म ग्राम पंचायत भवन होए ले अबड़ सहूलियत होगे। घर का काम निपटाके माइलोगन मन तको ग्रामसभा म संघर जथे।
महेशपुर के सरपंच श्री कपिल देव पैंकरा बताथे कि नवा पंचायत बने ले गांव के विकास के रद्दा खुलगे। मनरेगा ले पंचायत भवन बनाए बर 14 लाख 42 हजार रूपिया के प्रशासकीय स्वीकृति मिले ले गांव के 41 पुरूष अउ ओतके माइलोगन लउहे बूता करत चोर महीना म पूरा कर दीन। जेकर बर गांव के मनरेगा श्रमिक मन ल तीन लाख मजदूरी भुगतान करे गइस।
