- प्रधानमंत्री कोति ले वर्षा जल संचयन अऊ जल संरक्षण बर सरपंच मन ल लिखे गए चिट्ठी के होही वाचन
रायपुर, प्रदेश के सबो ग्राम पंचायत मन म 22 जून के दिन विशेष ग्रामसभा के आयोजन करे जाही। ये मां वर्षा जल संचयन अऊ जल संरक्षण बर प्रधानमंत्री कोति ले सरपंच मन ल लिखे गए चिट्ठी के वाचन करे जाही। पंचायत अउ ग्रामीण विकास विभाग के सचिव श्रीमती रीता शांडिल्य ह ए संबंध म सबो कलेक्टर मन ल परिपत्र जारी करे हे।
परिपत्र म सबो कलेक्टर मन ल निर्देशित करे गए हे कि ओ मन 22 जून के दिन ग्राम पंचायत मन म विशेष ग्रामसभा के आयोजन अऊ ओमा प्रधानमंत्री के पत्र के वाचन अउ जल संरक्षण बर श्रमदान के संबंध म स्थानीय स्तर म दिशा-निर्देश जारी करव। कलेक्टर मन ल ग्रामसभा के गतिविधि मन अउ कार्यवाहि मन के प्रतिवेदन 29 जून तक पंचायत संचालनालय ल भेजे के घलोक निर्देश देहे गे हे।
