रायपुर, 11 मार्च 2024। राजधानी रायपुर के साइंस कॉलेज मैदान म आज पंचायत प्रतिनिधि मन के राज्य स्तरीय महापंचायत म प्रदेश सरकार के जनकल्याणकारी योजना अउ कार्यक्रम मन उपर आधारित जनसंपर्क संचालनालय कोति ले प्रकाशित पर्ची पुस्तक बांटे गीस। एमां मोदी के गारन्टी पॉकेट बुक, विष्णु देव के जल्दी लेहे गए निर्णय ले होवत सुशासन के सूर्योदय, रामलला के सचित्र केलेण्डर सुशासन के दू महिना पुस्तक संग मासिक पत्रिका छत्तीसगढ़ जनमन के फरवरी अंक के वितरण करे गीस।
प्रचार सामान पाए बर त्रिस्तरीय पंचायती राज संस्था जेमे जिला ,जनपद अउ ग्राम पंचायत के प्रतिनिधि मन के जनसमूह उमड़ परिस। बड़ तादात म आये जनसमुदाय ह पुस्तक मन के अवलोकन करे के बाद कहिन कि विष्णु देव सरकार ह कमती समय मे ही जनहित कारी फैसला लेके ओखर क्रियान्वयन घलोक शुरू कर देहे हे। एखर से आम मनखे के जीवन मे बदलाव आवत हे। राज्य सरकार ह शपथ के दूसरेच दिन प्रदेश के 18 लाख गरीब मन बर प्रधानमंत्री आवास स्वीकृत करिस। अटल जी के जन्मदिवस सुशासन दिवस के मौका म प्रदेश के 13 लाख किसान ल धान उपार्जन के 2 साल के अन्तर के राशि 3716 करोड़ रूपिया उंकर खाता म अंतरित करिस। महतारी वन्दन योजना म 12 हजार रूपिया, रामलला दर्शन योजना हर साल हजारो प्रदेश वासी अयोध्या के निःशुल्क तीर्थ यात्रा म जाही 3100 प्रति क्विंटल के दर ले किसान मन ले 21 क्विंटल प्रति एकड़ धान के उपार्जन तेंदूपत्ता संग्रहण के बढ़े दाम अब 4 हजार के जगा म 5500 रु प्रति मानक बोरा छ. ग. पी एस सी भर्ती परीक्षा 2021 म अनियमितता के शिकायत के सी बी आई जांच के फैसला सामिल हे।
राज्य स्तरीय पंचायत प्रतिनिधि मन के महापंचायत म प्रचार सामान के निःशुल्क वितरण
