मुख्यमंत्री ह पंडित श्यामाचरण शुक्ल के जयंती म ओ मन ल करिन नमन

रायपुर, मुख्यमंत्री श्री भूपेश बघेल ह आज इहां अपन निवास कार्यालय म अविभाजित मध्यप्रदेश के पहिली मुख्यमंत्री पंडित श्यामाचरण शुक्ल के जयंती म ऊंखर छायाचित्र म पुष्प अर्पित करके ओ मन ल नमन करिन। ये बेरा म मुख्यमंत्री के सलाहकार श्री विनोद वर्मा, उत्तरप्रदेश के पहिली विधायक श्री अजय कुमार लल्लू अऊ श्री गुरदीप सिंह सप्पल घलोक उपस्थित रहिन। मुख्यमंत्री श्री बघेल ह श्री शुक्ल के संग बिताए समय ल सुरता करत कहिन कि श्यामाचरण जी सरल सहज व्यक्तित्व के धनी होए के संग एक कर्मठ राजनेता रहिन। उमन छत्तीसगढ़ अऊ अविभाजित मध्यप्रदेश के मनखे मन के बेहतरी बर बहुत अकन काम करिन जेकर बर ओ मन ल हमेशा याद करे जाही।