मुख्यमंत्री ह पंडित सुन्दर लाल शर्मा स्कूल के विकास बर 10 लाख रूपिया प्रदान करे के घोषणा करिन
रायपुर, मुख्यमंत्री श्री भूपेश बघेल आज राजधानी रायपुर स्थित सुन्दर नगर स्थित पंडित सुन्दर लाल शर्मा उच्चतर माध्यमिक शाला म आयोजित पंडित सुन्दर लाल शर्मा अलंकरण अउ 136वीं जयंती समारोह म सामिल होइन। उमन ये बेरा म समाज म विशिष्ट योगदान देवइया 10 महिला अउ पुरूष मन ल शॉल, श्रीफल अऊ चेक अऊ स्मृति चिन्ह भेंटकरके सम्मानित करिन अऊ ‘पंडित सुन्दर लाल शर्मा-छत्तीसगढ़ के गांधी‘ नामके पुस्तिका के विमोचन करिन।
मुख्यमंत्री श्री बघेल कोति ले सम्मानित मनखे मन म श्रीमती शोभा मोहन शर्मा श्रीवास्तव, श्री अरूण कुमार शर्मा, श्री मीर अली मीर, श्रीमती सरिता पाठक, श्री प्रदीप तिवारी, कुमारी अलंकृता कुम्बज, कुमारी राजनंदनी पटनायक, डॉ. श्रीमती मंजूला तिवारी अऊ श्री अमरनाथ त्यागी सामिल हे। ये बेरा म श्री सुभाष शर्मा ह स्वागत भाषण दीस अऊ श्रीमती साधना शर्मा ह शालेय प्रतिवेदन के पठन करिस। कार्यक्रम म श्री महंत राजेश्री रामसुन्दर दास, श्री ज्ञानेश तिवारी, श्री कन्हैया अग्रवाल, श्री संजय पाठक, अऊ समाज के गणमान्य नागरिक अऊ स्कूली लइका बड़ी संख्या म उपस्थित रहिन।
