रायपुर, मुख्यमंत्री श्री भूपेश बघेल ह स्वतंत्रता संग्राम सेनानी, समाज सुधारक अऊ प्रसिद्ध साहित्यकार पंडित सुंदरलाल शर्मा ल सुरता करत ओ मन ल नमन करे हें। हम आप ल बता देवन के काली 28 दिसम्बर के उंखर पुण्यतिथि हे। श्री बघेल ह छत्तीसगढ़ बर ऊंखर अमूल्य योगदान ल सुरता करत कहिन के उमन ल छत्तीसगढ़ के गांधी के नाम ले जाने जात रहिस। ग्रामीण इलाका मन म फइले अंधविश्वास, छुआ-छूत, रूढ़िवादिता जइसे कुरीति मन ल दूर करे बर उमन अथक प्रयास करिन। शर्मा जी किसान मन के अधिकार के लड़ाई के रूप म प्रसिद्ध कंडेल सत्याग्रह के प्रमुख सूत्रधार मन म रहिन। उमन स्वतंत्रता संग्राम के समय कई राष्ट्रीय आंदोलन ले जुड़के छत्तीसगढ़ म घलोक राष्ट्रीय चेतना के विस्तार करिन। श्री बघेल ह कहिन कि सिरतोन म पंडित सुन्दरलाल शर्मा छत्तीसगढ़ म जनजागरण अऊ सामाजिक क्रांति के अग्रदूत रहिन। उंखर सादा जीवन अऊ उच्च विचार हमला सदा प्रेरित करत रइही।
मुख्यमंत्री ह पंडित सुंदरलाल शर्मा के पुण्यतिथि म ओ मन ल करिन नमन
