पंडो जनजाति बाहुल्य ग्राम दुर्गापुर के 47 घर तक पहुंचिस गुणवत्तायुक्त पेयजल के सुविधा

कोरिया, जल जीवन मिशन के सफल क्रियान्वयन ले कोरिया जिला के पंडो जनजाति बाहुल्य ग्राम दुर्गापुर के सबो 47 घर तक पेयजल के सुविधा पहुंच गए हे। स्वच्छ पेयजल के पहुंच ले गांव वाले मन के चेहरा म मुस्कन खिल उठे हे। छत्तीसगढ़ के कोरिया जिला मुख्यालय ले करीबन 18 किमी दूर विकासखण्ड बैकुंठपुर के ग्राम पंचायत उमझर के आश्रित गांव दुर्गापुर, पंडो जनजाति बाहुल्य ग्राम हे। वनवासी जीवन शैली के परिचायक दुर्गापुर गांव म जल जीवन मिशन के तहत हर एक परिवार ल गुणवत्तायुक्त पेयजल के उपलब्धता सुनिश्चित कराना काफी चुनौतीपूर्ण काम रहिस। जिहां चाह, उहां राह ल आदर्श सूत्र मानत दुर्गापुर के हर एक परिवार ल जल जीवन मिशन के माध्यम ले गुणवत्तापूर्ण पानी उपलब्‍ध कराए के संकल्प लेके कार्ययोजना बनाए गीस अऊ आखरी म ग्रामवासी मन के चेहरा के मुस्कान योजना के फलीभूत होए के प्रमाण खुदे देवत हे।