रायपुर, राजस्व अउ आपदा, पुनर्वास अऊ पंजीयन स्टाम्प मंत्री श्री जयसिंह अग्रवाल ह आज इहां मंत्रालय महानदी भवन म वाणिज्यकर (पंजीयन) विभाग के समीक्षा
बैठक लीन। अधिकारी मन ह विभाग के काम के संबंध म जानकारी देवत बताइन कि पाछू चार साल ले जमीन पंजीयन के दर म करीबन एक प्रतिशत के वृद्धि होए हे। जिला म दर के निर्धारण जिला स्तरीय समिति के अनुशंसा म तय करे जाथे। अधिकारी मन ह बताइस कि डायवर्सन के नियम मन के अपडेशन करे जाना हे अऊ आनलाइन प्रकिया म आ वत दिक्कत मन के घलोक निराकरण करे जाना हे।
बैठक म राजस्व मंत्री श्री अग्रवाल ह विभाग के आबंटित बजट के उपलब्धता के जानकारी लेत पंजीयन कार्यालय मन के रिनोवेशन अऊ कार्यालय म जन सुविधा बढ़ाए के संबंध म घलोक अधिकारी मन ले चर्चा किरिन। समीक्षा बैठक म सचिव वाणिज्यकर (पंजीयन) श्री सुबोध सिंह, महानिरीक्षक पंजीयन श्री धर्मेश साहू, उप महानिरीक्षक श्री मदन कोर्पे अउ जिला पंजीयक दुर्ग श्री सुशील खलखो, जिला पंजीयक बिलासपुर श्री जे.एस. आर्मो संग आन वरिष्ठ अधिकारी उपस्थित रहिन।