उत्तर बस्तर कांकेर, छत्तीसगढ़ सरकार कोति ले लागू करे गए चार चिन्हारी नरवा, गरूवा, घुरवा, बाड़ी योजना, गांव वाले मन बर अब गांव के तस्वीर अऊ तकदीर बदलतत दिखत हे, गांव मन म ‘नरवा, गरूवा, घुरवा अऊ बाड़ी’ के संरक्षण-संवर्धन के काम ह अब मूर्त रूप लेहे शुरू कर देहे हे। जिला पंचातय सीईओं डॉ.संजय कन्नौजे कोति ले ग्राम पंचायतों म ‘‘बिहान’’ के महिला समूह मन ल प्रोत्साहित करके पैरादान कराए जात हे जऊन एक अच्छा पहल साबित होवत हे। गौठान म महिला मन के भागीदारी ले पहिली के बने 83 गौठान अऊ अभी हाल म बनत 114 गौठान मन म महिला स्व-सहायता समूह कोति ले गौठान म गोबर ले वर्मी खाद बनाके ग्रामीण अर्थव्यवस्था म अपन भूमिका निभाए जात हे। वर्मी कम्पोस्ट ल 7 रूपिया प्रति किलो के दर म बेचके आमदानी तको प्राप्त करे जात हे। महिला मन के भूमिका ले गौठान अब एक आजीविका के केन्द्र बने के दिशा म अग्रसर होवत हे।
जिला पंचायत के सीईओं डॉ. संजय कन्नौजे कोति ले जिला के कई ठन गौठान मन के जांच करके गांव वाले मन ल पैरा खेत मन म नइ जलाए के समझाईश दीए जात हे। संगेच गौठान म पैरादान करे बर प्रोत्साहित करे जात हे, जेखर सकारात्मक परिणाम देखे ल मिलत हे। ग्रामीणजन अउ स्व-सहायता समूह के महिला मन खेत म रखे पैरा ल सकेल के गौठान मन म पहुंचाए जात हे, जऊन एक मिशाल साबित होवत हे।