धमतरी, अब धमतरी शहर के बस्ती, मुहल्ला अऊ कॉलोनी मन म नगर निगम के गौठान मन म बिसाए गोबर ले तियार जैविक खाद ह पारिजात वर्मी खाद, सुपर कंपोस्ट अऊ वर्मी वॉश के नाव म घरो-घर बिकत हे। मनखे मन अब अपन बगिया अऊ खेत मन सेन्दर बनाए, फसल लेहे बर इन जैविक खाद मन ल बिसावत हें। ये ह मनखे मन ल सहज रूप ले मिलय ए खातिर नगर पालिक निगम धमतरी ह एक 19 अगस्त ले अभियान चलाए हे। येमा भिनसरहा ले निगम के वाहन शहर भर के सड़क, गली मन ले होत बस्ती, मोहल्ला म पहुंचत हे अऊ निगम के तहत बने गौठान मन म महिला स्व सहायता समूह के महिला मन कोति ले गोबर ले बनाय गए ये वर्मी खाद, सुपर कंपोस्ट अऊ वर्मी वॉश ल बेचथे।
धमतरी के पारिजात वर्मी खाद ले घर के गमला मन म फूलत हे झोत्था-झोत्था फूल
