रायपुर, विधानसभा अध्यक्ष डॉ रमन सिंह ह कहिन हे कि आज के दिन हमर छत्तीसगढ़ विधानसभा के बर संसदीय परंपरा ल ठेस पहुंचाए वाला रहिस। एक कोति हम रजत जयंती साल म अपन संसदीय गौरव अऊ गरिमामयी इतिहास के बात करत हन त दुसर कोति विपक्ष के विधायक मन वेल म प्रवेश के बाद अपन आप निलंबन के बाद घलोक सदन ले बाहिर जाय के जगा नारेबाजी करत विधानसभा के परंपरा मन ल तार-तार करके नियमावली के धज्जी उड़ाए के काम करे हे।
विधानसभा अध्यक्ष ह कहिन के प्रतिपक्ष के ए व्यवहार के बाद मोला बहुत खेद के संग प्रश्नकाल के प्रक्रिया ल स्थगित करना परिस, वो प्रश्नकाल जेन छत्तीसगढ़ के जनता के विषय मन ले सीधा जुड़े होथे। ओला बाधित करना प्रतिपक्ष कोति ले एक बहुत दुःखद आचरण हे।
आज के दिन संसदीय परंपरा ल ठेस पहुंचाए वाला रहिस- विधानसभा अध्यक्ष डॉ रमन सिंह
