रायपुर, 09 अगस्त 2024। राज्यपाल श्री रमेन डेका ह सबो नागरिक मन ले हर घर तिरंगा अभियान म उछाह के संग भाग लेहे के अपील करे हें। उमन देश अउ प्रदेश के नागरिक मन ले गिलोली करे हें के अपन घर म तिरंगा फहरावंय अऊ स्वतंत्रता दिवस ल सम्मान अउ गरब के संग मनावंय। माननीय प्रधानमंत्री श्री नरेंद्र मोदी जी के ‘हर घर तिरंगा अभियान‘ म महत्वपूर्ण भूमिका रहे हे। ऊंखर आव्हान म ये अभियान आजादी के 75 साल पूरा होए म अमृत महोत्सव के तहत शुरू करे गए रहिस। राज्यपाल ह कहिन कि ये अभियान, देश भक्ति अऊ एकता के भावना ल मजबूत करही अऊ राष्ट्रीय पर्व के गरिमा बढ़ाही। ए महाअभियान ले न केवल तिरंगा खातिर हमर व्यक्तिगत जुड़ाव मजबूत होही भलुक राष्ट्र निर्माण के भावना घलोक सुदृढ़ होही।
उमन कहिन कि ए अवसर म देश के वो महान स्वतंत्रता सेनानी मन ल घलोक सुरता करत उंखर से प्रेरणा लेवव अऊ राष्ट्र निर्माण म अपन भूमिका निभावव।
