मुख्यमंत्री ह पर्वतारोही याशी जैन ल एक लाख रूपिया के प्रोत्साहन राशि मंजूर करिस

रायपुर, मुख्यमंत्री श्री भूपेश बघेल ह आज इहां अपन निवास म आयोजित जनचौपाल-भेंट मुलाकात कार्यक्रम म पर्वतारोही सुश्री याशी जैन ल प्रोत्साहन स्वरूप स्वेच्छानुदान ले एक लाख रुपए के राशि मंजूर करिन हे। मुख्यमंत्री ह ऊंखर आगामी पर्वतारोहण अभियान मन बर अपन शुभकामना दीन।
इहां ये बताना जरूरी हे कि छत्तीसगढ़ के रायगढ़ निवासी सुश्री याशी जैन एक प्रशिक्षित पर्वतारोही हे। ओ मन छत्तीसगढ़ के एक मात्र पर्वतारोही हें, जेमन यूरोप के सबले ऊँचा चोटी माउण्ट एल्ब्रस ल फतह करे हें। सुश्री जैन एखरे संगेच माउण्ट जोगिन-3 (20,120 फीट), एवरेस्ट बेस कैम्प (17,600 फीट) अऊ काला पत्थर (18,510 फीट) घलोक फतह कर डारे हें।

ये बेरा म वन मंत्री श्री मोहम्मद अकबर, कृषि मंत्री श्री रविन्द्र चौबे, महिला अऊ बाल विकास मंत्री श्रीमती अनिला भेंड़िया, विधायक श्री कुलदीप जुनेजा अऊ श्री विकास उपाध्याय, रायपुर नगर निगम के महापौर श्री प्रमोद दुबे उपस्थित रहिन।

इस समाचार को आप हिन्‍दी में इस कड़ी से पढ़ सकते हैं.