विश्व पर्यावरण दिवस : मुख्यमंत्री ह अपन निवास परिसर म रोपिस अँवरा के पउधा

रायपुर, मुख्यमंत्री श्री भूपेश बघेल ह आज विश्व पर्यावरण दिवस के मउका म अपन निवास परिसर म अँवरा के पउधा लगईस हे। ओ ह ए अवसर म प्रदेशवासी मन ल अपन घर म अउ आस-पास म पउधा लगाए अउ ओ पउधा ल जीवित राखे के जिमेवारी लेहे के अपील करिस। श्री बघेल ह कहिस कि आए वाले मानसून म जादा ले जादा वृक्षारोपण करा अउ अपन गांव, गौठान, खेत संग जंगल ल खूब हरा-भरा बनावा। मुख्यमंत्री के सलाहकार श्री प्रदीप शर्मा, अपर मुख्य सचिव श्री सुब्रत साहू, प्रधान मुख्य वन संरक्षक अउ वन बल प्रमुख श्री व्ही. श्रीनिवास राव घलो ए अवसर म उपस्थित रहिस हे।
    मुख्यमंत्री ह कहिस कि राज्य सरकार पर्यावरण के संरक्षण ब हर संभव प्रयास करत हे। राज्य सरकार के गोधन न्याय योजना के एक उद्देश्य पर्यावरण के संरक्षण अउ संवर्धन करना घलो हे। राज्य सरकार कती ले सुराजी गांव योजना, मुख्यमंत्री वृक्षारोपण प्रोत्साहन योजना, वृक्ष संपदा योजना, कृष्ण कुंज योजना, नदी तट वृक्षारोपण, फलदार पउधा रोपण असन योजना के माध्यम ले अपन पर्यावरण ल सरलग बेहतर बनाए के काम करे जाथ हे।