आजादी के अमृत महोत्सव के तहत मछरी पालन, पशुपालन अउ डेयरी मंत्रालय कोति ले गांव-गांव म होवत हे आयोजन
पशु बांझपन निवारण शिविर म सौ ले जादा पशु मन के करे गीस खांटी जानकार मन निःशुल्क उपचार
कोण्डागांव, 15 दिसंबर 2023। उन्नत पशुपालन ले आर्थिक सुदृढीकरण के उद्देश्य ले दाऊ श्री वासुदेव चंद्राकर कामधेनु विश्वविद्यालय, अंजोरा, दुर्ग अउ पशुधन विकास विभाग, छत्तीसगढ़ शासन के संघरा उदीम ले कोण्डागांव के गिरोला गांव म पशु प्रजनन शिविर अउ जागरूकता कार्यशाला के आयोजन 14 दिसम्बर के करे गीस। ये कार्यक्रम के आयोजन मत्स्य पालन, पशुपालन अउ डेयरी मंत्रालय कृषि भवन, नई दिल्ली कोति ले पशुधन जागृति अभियान के अंतर्गत आजादी के अमृत महोत्सव के तहत करे गीस।
ये कार्यक्रम म पशुचिकित्सा विस्तार अधिकारी डॉ. अमित कुमार गुप्ता अउ पशुचिकित्सा सहायक शल्यज्ञ डॉ. दिलीप पैंकरा ह पशु प्रजनन के महत्व अउ प्रबंधन म विस्तार पूर्वक जानकारी दीन अउ पशुपालक मन ल पशु प्रजनन प्रबंधन के प्रति जागरुकता लाय बर प्रेरित करे गीस।
पशु बांझपन निवारण शिविर म सौ ले जादा पशु मन के खांटी जानकार मन निःशुल्क उपचार करिन। जागरूकता कार्यशाला म खांटी जानकार उपसंचालक पशुचिकित्सा सेवायें डॉ. शिशिरकांत पाण्डे, वरिष्ठ पशुचिकित्सा अधिकारी डॉ. सुरेन्द्र नाग, पशुचिकित्सा सहायक शल्यज्ञ डॉ. आरती मर्सकोले, डॉ. दीपिका सिदार, डॉ. अकांक्षा कश्यप अउ सहायक पशुचिकित्सा क्षेत्र अधिकारी मन्नुलाल चुरेन्द्र, महेश नाग, संतोष मरकाम अउ मोबाईल पशुचिकित्सा इकाई ह पशु मन म बांझपन के समस्या ले बचे के उपाय अउ उपचार, पशु मन म गर्भान के लक्षण, कृत्रिम गर्भाधान के समय के पहिचान, पशु प्रजनन प्रबंधन, गाभिन गाय के देखभाल संग आन जानकारी पशुपालक मन ल देहे गीस।
कार्यशाला म पशुपालक मन के संग खांटी जानकार संग प्रश्नोतरी के घलोक आयोजन करे गीस। जेमां पशुपालक मन कोति ले अपन पशु ले संबंधी जानकारी अउ प्रश्न पूछे गीस जकर उत्तर दे गीस। पशुपालक मन ल इंडियन इम्यूनोलॉजिकल्स कम्पनी कोति ले दवई, मिनरल मिक्सचर, कृमिनाशक अऊ आन दवाइ के तको निःशुल्क वितरण करे गीस।
पशुधन जागृति अभियान अंतर्गत गिरोला म पशु प्रजनन शिविर सह जागरूकता कार्यशाला के होय आयोजन
