पशुधन विकास योजना मन के लाभ उठाके आर्थिक रूप ले पोठ होवत हे गँवइहा मन

रइपुर, 03 अगस्त 2021 मंगल। गँवई गाँव कोति खेती-किसानी के संगे-संग पशुपालन आय के बड़का साधन हे। पशुधन विकास विभाग कोति ले गाँव वाले मन ल कुकरी अउ पशुपालन बर प्रोत्साहन देहे के संग आर्थिक रूप ले स्वावलंबी बनाए बर सरलग उदीम करे जावत हे।। राज्य के दूरिहा वनांचल के सुकमा जिला म पशुधन विकास विभाग कोति ले जिला के किसान अउ पशुपालक मन ल पशुपालन बर प्रोत्साहित करे के संग आर्थिक रुप ले पोठ बनाए बर उद्देश्य ले मनखे मूलक योजना मन के शत-प्रतिशत लाभ सुनिश्चित करे जावत हे।
पशुधन विकास विभाग सुकमा डाहर ले बछर 2020-21 म छेरी पालन योजना के तहत 130 स्व-सहायता समूह मन के महिला हितग्राही मन ल लाभान्वित करे गे हवय। कुकरी पालन योजना ल बढ़ावा देहे बर महिला स्व-सहायता समूह मन ल 28 दिवसीय चियाँ अउ कुकरी आहार तको देहे गे हे। जउन चियां मन के बने रख-रखाव ले बाढ़े के पीछू कुकरी मन ल 450 ले 500 रूपिया प्रति किलो के दर ले अउ उत्पादित अंडा मन ल पांच ले छह रूपिया प्रति नग के दर ले स्थानीय ग्राम, हाट बाजार मन बेंचके अपन आर्थिक स्थिति ल पोठ बनावत हावय। राज्य डेयरी उद्यमिता विकास योजना कोति ले अनुदान म 6 झिन हितग्राही मन ल ल उन्नत नसल के दुधारू गाय देहे गे हवय। उही किसम ले सुकरत्रयी वितरण योजना के 15, सांड वितरण योजना के 03, मादावत्स पालन योजना के 12, नर बोकरा वितरण योजना के 36 अउ बकरी पालन योजना के 130 हितग्राही मन ल लाभान्वित करे गे हवय। उपसंचालक पशु चिकित्सा सेवाएं सुकमा ले मिले जानकारी के अनुसार चालू वित्तीय बछर म अबड़ अकरन व्यक्तिमूलक जनकल्याणकारी योजना अंतर्गत बैकयार्ड कुक्कुट पालन 447, नर बकरा वितरण 100, सुकरत्रयी वितरण-20, सांड वितरण 04, मादा वत्सपालन 06, राज्य डेयरी उद्यमिता विकास योजना के तहत 06 हितग्राही मन ल लाभान्वित करे जाए के लक्ष्य हवय। जिंकर पूर्ति बर हितग्राही मन के नाम मन के चयन अउ अनुमोदन करे जा चुके हवय।