देवभूमि ले मातृभूमि लहुटिन यात्री, मुख्यमंत्री के प्रति जताइन आभार

दुर्ग, भिलाई के सबो 55 यात्री आज उत्तराखंड ले सुरक्षित लहुट आइन। अतीक बड़े हादसा ले निकले के बाद के खुशी उंखर आँखी मन म परखर झलकत रहिस। डबडवाए आँखी ले उमन बताइन के भूस्खलन के बाद के मंजर बहुत डरावना रहिस। हमन हिम्मत नइ हारेन, अपन सरकार उपर भरोसा रखेन। बहुत जल्दी डोगरा बटालियन के टीम पहुँचिस अऊ हम सब ल सुरक्षित पहुंचाइस। कुछ किमी हमला पैदल चलना परिस। हमला राज्य सरकार के अधिकारी मन ह बताइस कि आप मन सबो आश्वस्त रहव। मुख्यमंत्री श्री भूपेश बघेल घलोक पूरा घटना उपर नजर रखे हें अऊ आप मन सबो के सुरक्षा के ध्यान रखत हर संभव सहायता करे के निर्देश हमल ल देहे गये हे। मुख्यमंत्री के निर्देश म कलेक्टर डॉ. सर्वेश्वर नरेंद्र भुरे पूरा समय मनखे मन के सहूलियत के संबंध म मानिटरिंग करत रहिन। अपर कलेक्टर श्रीमती नूपुर राशि पन्ना कैंचीधाम के एसडीएम के निरंतर संपर्क म रहीन। यात्रि मन ल स्कूल अऊ आन सुरक्षित रहवास मन म पहुँचाए गीस अऊ खानपान के जिम्मेदारी देहे गीस। एखर बाद दिल्ली तक भिनसरहा पहुंचाए गीस। यात्रि मन ह बताइन कि दिल्ली तक आए म कोनो दिक्कत नइ होइस। जिला प्रशासन के अधिकारी निरंतर समन्वय म रहिन। हमला कोनो प्रकार के तकलीफ नइ होइस। छत्तीसगढ़ भवन म पहुंचके हमला बहुत अच्छा लगिस। यात्रि मन ह बताइन कि हम ये आपदा ले जल्दी ए खातिर बाहिर आ पाएन काबर के हमर सरकार ह उत्तराखंड सरकार ले उचित समन्वय बनाइस। उहां के जिला प्रशासन ह तेजी ले रेस्क्यू के काम करिस। हम एखर बर मुख्यमंत्री श्री भूपेश बघेल के प्रति बहुत आभारी हन।
भिनसरहा स्टेशन म बहुत सुंदर माहौल रहिस अऊ यात्रि मन के स्वागत विजेता मन के जइसे करे गीस। सबके आँखी म खुशी के आंसू रहिस। सामूहिक प्रयास ले ये वाले बड़का काम संपन्न होइस।