कोरबा, 03 अगस्त 2020। रक्षाबंधन भाई-बहनी के बीच मया भरे रिश्ता के तिहार हे. ये बेरा कोरबा के कोविड अस्पताल म भर्ती महिला अउ पुरुष मरीज मन ल भाई-बहनी के कमी महसूस नई होइस. अस्पताल के महिला अउ पुरुष स्वास्थ्यकर्मी मन ह मरीज मन ल रक्षासूत्र बांधिस अउ बंधवाइस. रक्षाबंधन के मउका म अस्पताल म कोनो भाई के कलाई सूना झन रहे अउ कोनो बहनी ल भाई के कमी महसूस झन होय, एखर बर अस्पताल प्रबंधन ह राखी, आरती अउ मिठाई के प्रबंध करिस. ये प्रयास ले सबो के चेहरा म खुशी देखे बर मिलिस अउ अस्पताल प्रबंधन ल धन्यवाद दिस.
कोविड अस्पताल म भर्ती मरीज मन ह राखी तिहार ल स्वास्थ्यकर्मी मन के संग मनाइस
