महासमुन्द, 13 जनवरी 2021। सिंघोडा थाना पुलिस ह बड़का कार्रवाई करत हुए सौ किलो गांजा के संग पटना के 2 अंतरराज्यीय तस्कर मन ल गिरफ्तार करे हे। सिंघोडा पुलिस ले प्राप्त जानकारी अनुसार छग-ओडिसा बार्डर एनएच 53 के ग्राम रेहटीखोल म ओडिसा के डाहर ले आने वाला वाहन मन के चेकिंग करे जावत रहिस। ओडिसा ले एक चारपाहिया वाहन क्रमांक UP14 BB9802 ल पूछताछ बर रोकिस। पुलिस ल देख के वाहन के चालक अउ बगल म बइठे मनखे अपन वाहन ल छोड के भागे लगिस। एमन ल पुलिस ह पकड़िस। गिरफ्तार आरोपी मन ह पुलिस ल नाम अपन राजेश कुमार सिंह उम्र 32 साल निवासी पटना अउ बगल सीट म बइठे मनखे निशान्त कुमार यादव उम्र 22 साल निवासी पटना होना बतइस हे। पुलिस ह गिरफ्तार आरोपी मन के वाहन के जब तलाशी लीन त गाड़ी के पीछू सीट म बने विशेष चेम्बर म छुपाके गांजा रखे पाइस। सिंघोडा पुलिस ह सीट म बने चेम्बर ले 50 बंडल सौ किलो गांजा बरामद करिस अउ 20 एनडीपीएस एक्ट के कार्रवाई करिस। गांजा के अनुमानित कीमत 10 लाख रूपिया बताये जावत हे।
पटना के 2 अंतरराज्यीय तस्कर सौ किलो गांजा के संग गिरफ्तार
