किसान ले चार हजार रिश्वत लेवत पटवारी गिरफ्तार

रायपुर, 18 अक्टूबर 2020। एंटी करप्शन ब्यूरो अंबिकापुर ह शनिवार के एक घुसखोर पटवारी ल एक किसान ले चार हजार रुपिया रिश्वत लेत हुए रंगे हाथ गिरफ्तार करे गीस। मिले जानकारी के अनुसार प्रार्थी प्रेमसाय निवासी ग्राम पाठकपुर ह एसीबी अंबिकापुर म शिकायत करे रिहिस। सूरजपुर म पदस्थ पटवारी अनूप सिंहा ल पंजीयन फार्म म कृषि जमीन के रकबा दर्ज कराय के एवज म किसान ले पांच हजार के रिश्वत मांग करे रिहिस। प्रार्थी के शिकायत ल गंभीरता ले लेत हुए एसीबी एसपी पंकज चंद्रा ह प्रार्थी के शिकायत के सत्यापन कराय रिहिन, जेमा शिकायत सही पाए जाय म ग्राम पाठकपुर के पटवारी अनूप सिंहा ल एसीबी के टीम ह प्रार्थी ले चार हजार रुपिया रिश्वत लेत हुए रंगे हाथ गिरफ्तार करिस। आरोपी पटवारी के खिलाफ भ्रष्टाचार निवारण अधिनियम 1988 के तहत कार्रवाई करे जावत हे।