रायपुर, संस्कृति विभाग, छत्तीसगढ़ शासन कोती ले शास्त्रीय कला परंपरा ल बढ़ावा देहे खातिर ‘विभागीय आयोजन 2026’ के तहत 21, 22, 24 अउ 25 अगस्त के ‘पावस प्रसंग’ के आयोजन करे जाही। चार दिन के ए सांस्कृतिक कार्यक्रम सिविल लाइंस स्थित महंत घासीदास संग्रहालय परिसर के मुक्ताकाशी मंच म रोज संझा 7 बजे ले सुरू होही।
‘पावस प्रसंग’ म वर्षा ऋतु के सुंदरता, उमंग अउ संवेदना ल कलाकार मन अपन शास्त्रीय नृत्य अउ मधुर संगीत के माध्यम ले मंच म बगराहीं। ए आयोजन के मुख्य उद्देश्य शास्त्रीय कला विधा ल बढ़ावा देना अउ आम लोगन ल उच्चस्तरीय सांस्कृतिक कार्यक्रम ले जोड़ना हे। संस्कृति विभाग ह प्रदेश के जम्मो कला अउ संस्कृति प्रेमी मन ल ए गरिमामय आयोजन म सामिल होए के नेवता देहे हे।
21 ले 25 अगस्त तक पावस प्रसंग म शास्त्रीय नृत्य अउ संगीत के होही भव्य प्रस्तुति
