रायपुर, 7 दिसम्बर 2020। भारत बंद ल सफल बनाय बर कांग्रेस के सबो कार्यकर्ता, मोर्चा, संगठन प्रकोष्ठ विभाग के लोगन ल पीसीसी चीफ मोहन मरकाम ह दायित्व सौंपीस हे। मरकाम ह निर्देश देहे हे कि कांग्रेस किसान के बंद म कंधा ले कंधा मिला के संग देही। अस्पताल, एंबुलेंस, फायरब्रिगेड, दवा दुकान जइसे आवश्यक सेवा ल बंद के आव्हान ले मुक्त रखे गए हे। बंद के आयोजन आक्रामक लेकिन शांतिपूर्ण अहिंसक अऊ गांधीवादी तरीका ले होही। किसान मन के मांग ल कांग्रेस पूर्ण समर्थन करत हे। तीनों किसान कानून तत्काल प्रभाव ले रद्द करे जाय के किसान मन के मांग ल कांग्रेस के पूरा समर्थन हे। ये मांग ल लेके भारत बंद करे जाय के कांग्रेस समर्थन करत हे। कांग्रेस व्यापारी संगठन अऊ सबो संबंधित ले संपर्क करके बंद बर समर्थन करे के अपील करत हे।
मोदी सरकार द्वारा लाए गए तीनों कृषि कानून पूरा तरीका ले किसान मन के हित के खिलाफ हे। किसान मांग करत हे कि ये कानून रद्द करे जाए। कांग्रेस अपील करत हे की सबो लोगन ले समाज के सबो वर्ग ले किसान मन के संग दें अऊ अन्न दाता मन के संग दें अऊ 8 दिसंबर के आहूत करे गए भारत बंद ल सफल बनाय।
गुरतुर गोठ बर- भीषम वर्मा
