- एक एकड़ म 8 कुंटल उपजाए ले 48 हजार रूपिया के कमई
- 10 हजार रूपिया के आदान सहायता राशि घलोक मिलीस
गरियाबंद, छुरा विकासखण्ड के ग्राम खुडियाडीह के किसान धनकुमार साहू ह मूंगफली के खेती करके अपन अलगे चिन्हारी बना लेहे हे। छत्तीसगढ़ शासन के राजीव गांधी किसान न्याय योजना ले प्रभावित होके वो ह परम्परागत धान के खेती के बलदा म मूंगफली के खेती करना चालू करिस। जेखर से ओ ल धान के तुलना म अकतहा लाभ होइस। एखर अलावा शासन के महत्वाकांक्षी योजना राजीव गांधी किसान न्याय योजना के तहत आदान सहायता राशि दस हजार रूपिया के घलोक लाभ मिलीस।
किसान धनकुमार के बताती वोखर कुल जमीन के रकबा 1.30 हेक्टेयर हे। जेमां वो ह पहिली धान के खेती करत रहिस जेखर से वोला काफी कम आय होत रहिस। खरीफ साल 2020-21 म कृषि विभाग के ग्रामीण कृषि विस्तार अधिकारी आर.के. वर्मा ह बताइस कि वोकर जमीन मूंगफली के खेती बर काफी उपयुक्त हे, कहूं वो ह मूंगफली के खेती करही त धान ले जादा के अमदानी होही अऊ पानी के समस्या तको नइ रइही। वोखर सलाह म किसान ह खरीफ साल 2020-21 म 0.40 हेक्टेयर म मूंगफली के खेती करिस, संगेच राजीव गांधी न्याय योजना के तहत आदान सहायता राशि दस हजार रूपिया प्रति एकड़ तको प्राप्त करिस। करीबन 1 एकड़ क्षेत्र म 8 कुंटल मूंगफली के उत्पादन होइस। एला गांव के किसान मन ल 60 रूपिया प्रति किलोग्राम के दर ले बेचे गीस, जेखर से 48 हजार रूपिया के आय होइस। ये वोकर बर अकतहा आमदनी के एक सशक्त माध्यम बनिस। एकर से वोकर आर्थिक स्थिति म सुधार होइस। किसान धनकुमार ह राज्य शासन के ये योजना ल मददगार अऊ किसान मन बर कारगर बताइस अऊ सासन ल धन्यवाद दीस।