दन्तेवाड़ा 20 मई 2021। जिला म कोरोना के सरलग बाढ़त संक्रमण के बाद घलोक मनखे मन म लापरवाही कम होए के नाम नइ लेत हे। दन्तेवाड़ा जिला प्रशासन ह कोरोना संक्रमण के फैलाव ल रोके बर शादी अऊ आन कार्यक्रम मन म 10 मनखे मन ल सामिल होए के अनुमति देहे हे। एखर बाद घलोक वैवाहिक कार्यक्रम मन म जादा संख्या म मनखे सामिल होवत हें। जिला प्रशासन के टीम ह विवाह समारोह के आकस्मिक निरीक्षण करिस। ये बेरा म कहूं कोरोना गाइडलाइन के पालन होत नइ दिखिस। दंतेवाड़ा तहसील के ग्राम पंडेवार म निरधारित संख्या ले जादा मनखे मन के विवाह समारोह म सामिल होए म 20 हजार रुपए के जुर्माना लगाए गीस अऊ कोरोना के गाइडलाइन के पालन करे अऊ भीड़ नइ करे के समझाईश देहे गीस।
बिहाव म कोरोना गाइडलाइन के पालन नइ करे म 20 हजार रूपिया के जुर्माना
