रायपुर, मुख्यमंत्री श्री भूपेश बघेल के भेंट-मुलाकात के माध्यम ले 25 बछर ले लंबित भू-अर्जन मुआवजा के प्रकरण के आज निराकरण हो गीस। मुख्यमंत्री ह 25 बछर ले भू-अर्जन के मुआवजा राशि के अगोरा करत बलरामपुर-रामानुजगंज जिला के 54 किसान मन ल 6 करोड़ 97 लाख 49 हजार रूपिया के मुआवजा राशि के ऑनलाईन भुगतान करिन। मुख्यमंत्री ह आज इहां अपन निवास कार्यालय म वीडियो कॉन्फ्रेंसिंग के माध्यम ले आयोजित कार्यक्रम म बलरामपुर-रामानुजगंज जिला के ए किसान मन ल भू-अर्जन मुआवजा राशि संग हितग्राही मन ल चिटफंड कम्पनी ले वसूल करे गए राशि अऊ राजस्व पुस्तक परिपत्र के तहत सहायता राशि ऑनलाईन वितरित करिन।
मुख्यमंत्री के भेंट-मुलाकात म 25 बछर ले लंबित मामला के होइस तुरते निराकरण
