महासमुंद, 15 जुलाई 2024। महासमुंद जिला म समाज कल्याण विभाग ह वरिष्ठ नागरिक मन के अधिकार के संरक्षण अऊ ओखर नियमानुसार क्रियान्वयन बर सजग हे। समाज कल्याण के कई ठन विभागीय योजाना मन के तहत् महासमुंद जिला म सामाजिक सहायता कार्यक्रम अंतर्गत संचालित कई ठन पेंशन योजना मन म 97 हजार 926 हितग्राही मन ल छै प्रकार के पेंशन ले लाभान्वित करे जात हे। समाज़ कल्याण विभाग के उपसंचालक श्रीमती संगीता सिंह ह बताइस के इंदिरा गांधी राष्ट्रीय वृद्धावस्था पेंशन म 60-79 साल आयु वर्ग के 30172 अउ 80 साल के आयु वर्ग के 3998 ए प्रकार 34170 वृद्धावस्था मनखे ल पेंशन के लाभ मिलत हे। इंदिरा गांधी विधवा पेंशन योजना के तहत् 9932 विधवा महिला मन ल जिनकर उमर 40 साल ले जादा अऊ 59 साल ले कम हे पेंशन धनराशि आर्थिक सहायता के रूप म प्रतिमाह देहे जात हे। जेखर से ओ मन अपन जीवन यापन बने सहिन करत हें।
इंदिरा गांधी निःशक्तजन (दिव्यांग) पेंशन योजना के तहत गरीबी रेखा ले नीचे जीवन यापन करइया 987 मनखे मन ल पेंशन के लाभ मिलत हे। सामाजिक सुरक्षा योजना के तहत 24 हजार 874, सुखद सहारा योजना के तहत् 9216 मनखे मन ल पेंशन के लाभ मिलत हे। अइसनहे मुख्यमंत्री पेंशन योजना के तहत 18747 पात्र हितग्राही मन ल पेंशन के लाभ मिलत हे। अइसन मनखे जेन 60 साल या ओखर से जादा आयु, निराश्रित वृद्ध या 50 साल या ओखर से जादा आयु के निराश्रित विधवा परित्यक्त महिला मन ल पेंशन के लाभ देहे जात हे।
प्रदेश म निःशक्त मनखे के पहिचान ले लेके ऊंखर सामाजिक अउ आर्थिक पुनर्वास बर घलोक योजना संचालित करे जात हे। एखर अलावा वरिष्ठ नागरिक मन के दीर्घकालीन अनुभव अउ ऊंखर उत्कृष्ट काम मन के प्रति घलोक अंतर्राष्ट्रीय वृद्धजन दिवस (एक अक्टूबर) के सम्मानित करे जात हे।