कोरबा, 5 जनवरी 2021। मुख्यमंत्री भूपेश बघेल ह सोमवार के कोरबा के घण्टाघर मैदान म जनसभा ल संबोधित करत हुए कहिन कि लेमरू अभ्यारण्य क्षेत्र म निवास करइया लोगन मन ल नई हटाये जाही। उमन कहिन कि अभ्यारण्य क्षेत्र म निवास करइया आदिवासी मन ल पहली के तरह सबो सुविधा मिलत रही। क्षेत्र के लोगन ल मिलले वाला वन अधिकार पत्र घलो पहली के तरह मिलत रही अऊ उमन ल लघुवनोपज संग्रहण म घलो कोई परेशानी नई होही। कोनो भी आदिवासी मन ल अभ्यारण्य क्षेत्र ले बाहर नई करे जाही।
मुख्यमंत्री बघेल सोमवार कोरबा म आयोजित आमसभा ल संबोधित करत रहिन। मुख्यमंत्री बघेल के द्वारा विभिन्न हितग्राही मूलक योजना मन के अंतर्गत लाभान्वित हितग्राही मन ल सामग्री अऊ अनुदान राशि के चेक प्रदान करिन। मुख्यमंत्री द्वारा एखर पूर्व कोरबा जिला म 836 करोड़ रूपिया ले अधिक के लागत वाले 883 विकास अऊ निर्माण कार्य मन के भूमिपूजन अऊ लोकार्पण घलो करे गीस।
कोरबा म आयोजित लोकार्पण-शिलान्यास समारोह म विधानसभा अध्यक्ष डॉ. चरणदास महंत, सांसद कोरबा ज्योत्सना महंत, जिला के प्रभारी मंत्री अऊ स्कूल शिक्षा मंत्री डॉ. प्रेमसाय सिंह टेकाम, राजस्व मंत्री जयसिंह अग्रवाल, विधायक पाली-तानाखार मोहित राम केरकेट्टा, विधायक कटघोरा पुरूषोत्तम कंवर, विधायक कसडोल शकुंतला साहू, विधायक रामपुर ननकी राम कंवर, महापौर राजकिशोर प्रसाद सहित आईजी बिलासपुर संभाग आयुक्त रतन लाल डांगी, कलेक्टर किरण कौशल, पुलिस अधीक्षक अभिषेक मीणा, नगर निगम आयुक्त एस. जयवर्धन अऊ अन्य अधिकारी-कर्मचारी, जनप्रतिनिधिगण तथा गणमान्य नागरिकगण मौजूद रहिन।