रइपुर, 05 जून 2021 शनिक्षच्चर। नीति आयोग, भारत सरकार कोति ले 3 जून, 2021 के कम्पोजिट एस.डी.जी. इंडिया इंडेक्स (3.0), 2020-21 जारी करेे गईस। रिपोर्ट म सबो राज्य अउ केन्द्र शासित प्रदेश कोेति ले सरलग विकास लक्ष्य ल पाए के दिशा म करे गे बूता मन के परिणाम के आंकलन एक कम्पोजिट स्कोर 0-100 के बीच करे गईस ।
बछर 2019-20 म छत्तीसगढ़ के जगा 21 वाँ रिहिसे वो ह अब सुधरके 19 वां होगे। स्कोर पहिली 56 रिहिसेे, वोे ह अब 5 अंक के सुधार संग 61 म आ गे। नीति आयोग के वर्गीकरण के अनुसार छत्तीसगढ़ राज्य ल ’परफार्मर’ राज्य के रूप म वर्गीकृत करेे गे हवय।
राज्य म लक्ष्य क्रमांक 5 लैंगिक समानता म सुधार बर करे गेे प्रयास मन के बने परिणाम दिखत हे, जेमा लैंगिक अनुपात म सुधार, माइलोगन मन उपर हिंसा के मामला म, प्रजातांत्रिक संस्था मन म माइलोगन मन केे भागीदारी म वृद्धि, नौकरी म पर्याप्त अवसर आदि अइसन कारण हेे, जेकर ले ये लक्ष्य म बने सुधार परिलक्षित होइस हे। इंकर छोेड़ राज्य शासन के कईयोें ठिन नवा योजना जइसे गोधन न्याय योजना, नरवा, गरूवा, घुरवा अऊ बाड़ी, सखी वन स्टाप सेंटर, नोनी सुरक्षा योजना, नवा बिहान योजना, सक्षम योजना आदि योजना मन के लाभ तको महिला सशक्तिकरण अउ लैंगिक समानता लाए म उपयोगी सिद्ध होइस।
छत्तीसगढ़ राज्य योजना आयोग कोति लेे वो संकेतक मन के पहिचान करे गे हवय जेमा अउ बूता करना हे, जेकर ले सरलग विकास लक्ष्य मन के प्राप्ति बछर 2030 तक हो सकै अउ राज्य अगुवा राज्य मन के श्रेणी म आ सकै। छत्तीसगढ़ म सरलग विकास लक्ष्य मन केे बूूता के पर्यवेक्षण अउ अनुश्रवण राज्य योजना आयोग डाहर ले करे जावत हे।
